|
Click to set custom HTML
|
Diereverhale uit Afrika Hannah Bell (links) met die skrywer Engela van Rooyen (foto deur Engela van Dyk) Hierdie verhale gaan oor diere wat uiters menslik – dus origens dierlik en soms dierbaar – optree. Die skrywer onthou dit as vertellinge uit haar kinderdae in die destydse Suid-Rhodesië. Haar ouers was daar in die sending, en die eerste taal wat sy geleer het, was Sjona. Daar is wysheid en droë geestigheid by die oorkom van praktiese struikelblokke en die verklaring van goed in die wêreld. Soos hoekom hoenders in die grond krap, ‘n vark se snoet plat is en katte by mense woon. Dan is daar die heerlike om die bos lei van mekaar, soms met soete wraak, soos Hasie en Bobbejaan wat mekaar by die ete wil uitoorlê. A5, 55 pp, R150-00 insl. BTW. Internasionaal $10-00 Hannah Bell was ’n baie ervare skrywer van kinderverhale, onder andere vir die radio. Talle werke van haar is op die destyds geliefde kinderprogram Siembamba uitgesaai. Daarbenewens het sy al verskeie kinderboeke gepubliseer. Die boek is op permanente uitstalling by die Boekerij van die Huis vir Afrikaanse poësie (HAP) in Pretoria en is voorgestel by enkele leeskringe. ISBN 978-0-9814399-1-4 Uitgewer Rosslyn-Pers rosslyni@lantic.net of ianrosspub@gmail.com www.rosslynpublishers.com. Tel 078 761 2241 |