 |
|
 |
Selfs jong lesers wat nog nie met Gesie van Sonsig kennis gemaak het nie, sal hulle verkneukel in hierdie tweede band, Gesie maak lig. Boeiend en met humor word Gesie se ryk en vol, maar ook verwarrende wêreld uitgebeeld deur 'n skryfster wat haar merk gemaak het met meer as dertig treffer-jeugboeke.
A5, 105 pp, R79-00 ISBN 978-0-9814119-1-0 |
 |
Vir Gesie van die arm buurt is dit 'n groot verrassing dat sy sangtalent het. Sy hoef nie meer skuldig te voel oor sy nie in sport uitblink nie, want sy kan sing! Die skilderagtige huis Villa Musica vorm 'n opwindende agtergrond vir haar dagdrome wat gou blye vooruitsigte word. Haar verhouding met Anton kry 'n romantiese kleur, en "prins" Wilmer van die ryk woonbuurt Glendene sien haar raak ... Maar iets loop verkeerd, en dit word al hoe verkeerder, sonder dat Gesie mooi verstaan wat dit is. Daar kom verwydering, nie net tussen haar en Anton nie, maar ook tussen haar en haar huismense, skoolmaats en geliefkoosde onderwyseres.
A5, 110 pp, R79-00 ISBN 978-0-9814119-2-7 |
 |
In Gesie in diep water, die vierde en hoogtepunt in die Gesie-reeks, word Gesie regtig groot, en haar wedervaringe gaan vir elke tiener iets beteken. Sy besef dat daar seuns is wat haar wil gebruik; dat 'n liefde soos haar ouers s'n, al was dit ver van volmaak af, nooit vervang kan word nie; dat 'n kleutertjie 'n ma nodig het, al moet dit dalk die vrou wees wat lankal 'n ogie op haar stiefpa gehad het.
Die ervare skryfster Engela van Rooyen ken die kuns om 'n leser te boei, en die Gesie-reeks het dus aanhangers in elke ouderdomsgroep. A5, 130 pp, R79-00 ISBN 978-0-9814119-3-4 |
 |
Tjarie is ’n jong seun op Doornspruit, waar die rivier die dorp in twee verdeel. Hy is maar kort daar, het nog nie vriende nie, raak soms verleë en weet nog nie hoe sy lewe ook in twee gedeel gaan word nie. Daardie afgronde wat die jeug soms ken, met twyfel, vrees en soms wanhoop, loop Tjarie alles te beurt: sy sage beeld konkreet uit wat die siel mee wroeg. En die berou. Die avontuur word ’n geestesreis en ontgroening. Die rivier kan afkom, en hy kan dalk nie die vriend en vriendin van sy keuse kery nie, maar Tjarie maak telkens ’n plan. Engela van Rooyen vind die onsekerhede van 'n jong seun, wat hy manlik moet oplos.
A5, 112 pp, R79-00 ISBN 978-0-9814119-4-1 |
 |
Hierdie verhale gaan oor diere wat uiters menslik – dus origens dierlik en soms dierbaar – optree. Hannah Bell het dit onthou as vertellinge uit haar kinderdae in die destydse Suid-Rhodesië. Haar ouers was daar in die sending, en die eerste taal wat sy geleer het, was Sjona. Daar is wysheid en droë geestigheid by die oorkom van praktiese struikelblokke en die verklaring van goed in die wêreld. Soos hoekom hoenders in die grond krap, ‘n vark se snoet plat is en katte by mense woon. Dan is daar die heerlike om die bos lei van mekaar, soms met soete wraak, soos Hasie en Bobbejaan wat mekaar by die ete wil uitoorlê.
A5, 55 pp, R59-00 insl. BTW. ISBN 978-0-9814399-1-4 |
|
